கெளரவிக்கும் விழா.

Nov 29.2017ம் திகதி அனலைதீவு ஐயனார் கோவில் மண்டபத்தில் அனலைதீவு கலாசார ஒன்றியத்தின் ஏற்பாட்டில் 2016ம் ஆண்டு கல்விப் பொதுத்தராதர சாதரண பரீட்சையில் சித்தியெய்திய மாணவர்களையும் அற்பணிப்போடு கற்பித்து மிகச்சிறப்பான பெறுபெறுகளை பெற்றுக்கொள்ள உழைத்த ஆசிரியர்களையும் பாராட்டிக் கெளரவிக்கும் விழா மதிப்பிற்குரிய அனலைதீவு கலாசார ஒன்றியப் பிரதிநிதி திரு.நா.பரஞ்சோதி அவர்களின் தலைமையில் அனலைதீவு மக்களின் ஆதரவுடனும் ஒத்துழைப்புடனும் சிறப்பாக நடைபெற்றது.

2017ம் ஆண்டு ஐந்தாம் தர புலமைப் பரீட்சையில்  சித்தியெய்திய மாணவன் செல்வன்.விஜயகுலேந்திரன் ரஜீவன்

பரிசில் வழங்கிப் பாராட்டப்பட்டார்.

சிறப்பு விருந்தினர்களாக  முன்னைநாள் அதிபர் உயர்திரு சி.காராளபிள்ளை, மதிப்பிற்குரிய திரு.சு.தயாபரராசா ஆகியோர் கலந்துகொண்டு சிறப்பித்தனர்.
 விழாவின்போது கௌரவிக்கப்பட்ட மாணவர்களுக்கு சிறு ஊக்கத்தொகைஅனலைதீவு கலாசார ஒன்றியத்தினால்  வழங்கப்பட்டது.

அனலைதீவு சதாசிவ மகாவித்தியாலய அதிபர் மதிப்பிற்குரிய திரு நா.இராதாகிருஸ்ணன் அவர்களின் தலைமையிலான ஆசிரியப் பெருந்தகைகள் அனைவரும் கந்துகொண்டு சிறப்பித்தனர்.

விழாவினை சிறப்பாக நடாத்த உதவிய அனைவருக்கும் அனலைதீவு மக்கள் அனைவரினதும் சார்பாக நன்றியும் பாராட்டும் தெரிவித்துக்கொள்கிறோம்.  பெற்றோர் மற்றும் இந்நிகழ்வை சாத்தியப்படுத்திய அனைவருக்கும் நன்றியைத் தெரிவித்துக்கொள்வோம்.

 பரீட்சையில் தோற்றிய மாணவர்கள் மற்றும்வித்தியாலய அனைத்து மாணவச் செல்வங்களுக்கும் நமது மனம் நெகிழ்ந்த பாராட்டைத் தெரிவித்துக்கொள்வோம்.

இவ்விழாவில் கலைநிகழ்வுகளில் பங்குகொண்ட மாணவச்செல்வங்கள் அனைவருக்கும் நமது மனம் நெகிழ்ந்த பாராட்டைத் தெரிவித்துக்கொள்வோம்.

பயிற்றுவித்துப் பங்காற்றிய அனைவருக்கும் நமது மனம் நெகிழ்ந்த பாராட்டைத் தெரிவித்துக்கொள்வோம்.

படங்களுடன் தகவல்: திரு.த.கோகுலராஜ்.

-அனலைதீவு கலாசார ஒன்றியம்.கனடா.