உப்புத் தீவு.

அண்டங்கண்ட காகம் வந்து

தட்டி முட்டி உடைச்சதென்ன?

தண்டப் பணம் கட்டாம

தாகம் ஆறிப் போனதென்ன?

போதையில கத்திறப்போ ஆகாயம்

பொத்தல் என்று சொல்லுவியோ?

போற திசை தெரியாம- மேல

மேகத்தில சிக்குவியோ

உன் நிறத்து மேகத்துக்கு

ஒரு செய்தி சொல்லிவிடு

மண்ணுக்குள்ளும் ஈரமில்ல

மனசுக்குள்ளும் ஈரமில்ல-பூமி

தாங்கி வைச்சு தந்த தண்ணி

தாகத்துக்குச் சொந்தமில்ல.

பேரனுக்கு பானைக்குள்ள

உப்புச்சேர்த்து  வைக்கிறாக.

ஊருக்குள்ள கடலை விட்டு

உப்புத் தீவு கட்டுறாக.

-சிவம்.

படங்கள்: திரு.க.உதயப்பிரகாஷ்