அலைமுதிர்சோலை

அனலைதீவு மக்களின் அடையாளமாகவும், அளவுகடந்த நம்பிக்கையாகவும், அருட்பெருங்கடலாகவும் திகழும் ஐயனார் பற்றி நாம் எப்பொழுதும், எந்த இடத்திலும் மகிழ்வோடு பேசுபவர்களாகவே வாழ்கின்றோம். கனடிய அனலைதீவு ஐயனார் ஆலயத்தின் கடந்த நிர்வாகத்ததினருடைய பல ஆண்டுகால ஆலய பரிபாலனத்தையும், நிர்வாகச் சேவையையும் அனலைதீவு மக்களனைவரினதும் சார்பாகப் பாராட்டிக், கெளரவிக்கும் நாம், கனடிய அனலைதீவு ஐயனார் ஆலயத்தின் புதிய நிர்வாகத்தினரை அனலைதீவு மக்களனைவரினதும் சார்பாக மனதார வாழ்த்தி வரவேற்கின்றோம். இனிவரும் காலங்கள் ஒன்றுபட்ட செயற்பாடுகளின் ஆரம்பமாக அமையட்டும். அனலைதீவு கலாசார ஒன்றியம் - கனடா மற்றும் கனடிய அனலைதீவு ஐயனார் ஆலயம் போன்ற அனலை சார்ந்த நிர்வாகங்கள் அனலை மக்களின்ஒருமைப்பாட்டுக்கும், அனலையின் வளர்ச்சிக்கும், ஒன்றுசேர்ந்து செயற்பட வேண்டுமென்ற அனலைதீவு மக்களின் எதிர்பார்ப்பை நிவர்த்திக்கும் வண்ணம் இனிவரும்காலம் அமையவேண்டுமென்பது நம் அனைவரினதும் ஒருமித்த எண்ணமாக அமையட்டும்.

அனலைதீவு கலாசார ஒன்றியம் - கனடா