அனலைதீவு சதாசிவ மகாவித்தியாலயத்திற்கான "சாரணர் இயக்கம்" அதிபர் திரு.து.புஸ்பகாந்தன் அவர்களுடன் இணைந்து அனலைதீவு ஐயனார் மரபியல் காப்பகம் கனடா அமைப்பின் தலைவர் திரு.ஐ.இராசேந்திரம் அவர்களினால் பங்குனி14.2024ம் திகதி அங்குரார்ப்பணம் செய்துவைக்கப்பட்டது.
முறைப்படியான பயிற்சிகளுடனும் திணைக்கள அங்கீகாரத்துடனும் வெகுவிரைவில் நமது மாணவர்களின்
"சாரணர் இயக்கம்" உருவாகுமென்பதை மகிழ்வோடு தெரிவித்துக்கொள்வதோடு சதாசிவ மகாவித்தியாலயத்திற்கான
"சாரணர் இயக்கம்" உருவாகுவதிலிருந்து இனிவருங்காலங்களுக்கான அனுசரணையான உதவிகள் யாவற்றையும் அனலைதீவு ஐயனார் மரபியல் காப்பகம் கனடா அமைப்பு பொறுப்பேற்றுள்ளது என்பதை மகிழ்ச்சியோடு பதிவுசெய்கிறோம். ஒத்துழைப்பு வழங்கிய பாடசாலை அதிபர் திரு.து.புஸ்பகாந்தன் அவர்களுக்கும், பாடசாலைச் சமூகத்தினருக்கும் நன்றி கூறிக்கொள்கிறோம்.
நீண்டகால இடைவெளிக்குப் பின் உருவாகும் சாரணர் இயக்கத்தில் பங்கேற்கும் மாணவச் செல்வங்கள் அனைவருக்கும் மகிழ்வான வாழ்த்துகள்.
அனலைதீவு ஐயனார் மரபியல் காப்பகம் கனடா அமைப்பின் ஆரம்பக் கூட்டத்தில் அனலைதீவில் சாரணர் இயக்கம் உருவாக்கப்படவேண்டுமென்ற கருத்தை பதிவுசெய்த திருமதி.பெரியநாயகி சடாட்சரலிங்கம் அவர்களுக்கு
ஊரவர்கள் அனைவரினதும் சார்பாக நன்றி கூறிக்கொள்கிறோம்.
-அனலைதீவு ஐயனார் மரபியல் காப்பகம் கனடா
No comments:
Post a Comment