பச்சை முத்து.

மாம்பூவைப் பார்த்ததிலே

மனசெல்லாம் கனியாச்சு.

மாவிலையின் நடுவினிலே

உயிர் வழியும் நிலையாச்சு.

பச்சை நிறம் கண்ணுக்குள்ளே

சொட்டுச்சொட்டாய் ஊறிவரும்.

பார்வையுள்ள காலம்வரை - கண்ணிலே

கொட்டிவைக்க ஆசைவரும்.

பச்சை முத்தை மாமரத்து

பவளக் காம்பில் கட்டிவைச்ச

இயற்கையம்மா உன் எழிலே

இவ்வுலகின் அச்சாணி.

பூத்திருக்கும் மாமரம்போல்

மனிதா நீயும் சிரித்துவிடு.

பூமி முழுதும் ஓர் இனம்தான்

வெறும் பேதங்களை மறந்துவிடு.

                                          -சிவம்.