அருளகம்.

    

 நாம் பிறருக்கு செய்வது பிறர் மூலமாக நமக்கே வந்து சேரும்.

வவுனியா அகிலாண்டேஸ்வரி அருளகம், வவுனியா அன்பு சிறுவர் இல்லம், புதுக்குடியிருப்பு வள்ளி புனம் இனிய வாழ்வு இல்லம்(மாற்றுத்திறனாளி மாணவர்கள்) கிளிநொச்சி மகாதேவா ஆச்சிரம சிறுவர் இல்லம் உட்பட எழுபத்தியேழு பாடசாலைகளிலுள்ள பெற்றோரை இழந்த, தந்தையை இழந்த, அங்கவீனப் பெற்றோரையுடைய மற்றும் வறுமைக் கோட்டுக்குக் கீழ்ப்பட்ட மாணவர்களையும் தெரிவுசெய்து அவர்களுக்கான 2015ம்ஆண்டுக்கான கொப்பிகள், பேனைகள், பென்சில்கள், அழி றப்பர்கள், கொம்பாஸ் பெட்டிகள், சி.ஆர் கொப்பிகள் உட்பட மொத்தமாக பத்து இலட்சத்து ஐம்பத்து மூவாயிரத்து ஐந்நூறு ரூபா (Rs1053500.00 )பெறுமதியான கற்கை உபகரணங்கள் அனலைதீவு ஆச்சிதுணை அருளகம் (ஜேர்மனி) அமைப்பால் வழங்கப்பட்டுள்ளன.

            

 வன்னிப் பகுதியிலுள்ள 46 மாணவ மாணவிகளுக்குமாக மாதாந்தம் எண்பத்தியாறாயிரம் ரூபா(Rs86 000.00) கல்விக்கான உதவித்தொகையாக வழங்கப்படுகிறது. மேற்படி உதவிகளை ஜேர்மனி, கனடா, பிரான்ஸ், இங்கிலாந்து, சுவிஸ் ஆகிய நாடுகளிலுள்ள ஆச்சி துணை ஆதரவுக் குடும்பத்தினர்கள் பெறுப்பேற்றுள்ளனர்.

           

 2014ம் ஆண்டு அன்னதான தொகையாக இரண்டு இலட்சத்து தொண்ணூற்றியொன்பதினாயிரத்து ஐந்நூறு ரூபா (Rs299500.00)வழங்கப்பட்டது. (பிறந்த தினம், திருமணம், நினைவுதினம்)

           

 2014ம் ஆண்டு அனலைதீவு ஆச்சிதுணை அருளகத்தின் 150 அங்கத்தவர்களினால் அனுஷ்டிக்கப்பட்ட சுமங்கலி பூசையின் மூலம் வவுனியா சிவன் முதியோர் இல்ல கட்டிட நிதிக்கு தொண்ணூறாயிரம் ரூபா (Rs90000.00)வழங்கப்பட்டது.

தகவல்: அனலைதீவு ஆச்சிதுணை அருளகம் (ஜேர்மனி)

March 04.2015.