வேண்டுகோள்!

வேண்டுகோள்!

மதிப்புமிக்க அனலைதீவு மக்களுக்கு காலமும் இயற்கையும் நிர்ப்பந்திக்கும் அதிமுக்கியமானதாக  மாறிவரும் மனிதனின் இயற்கை வளம் பேணல் என்பதில் நம்மவரின் கனிவான பங்களிப்பிற்கான  பணிவார்ந்த வேண்டுகோளொன்றை பணிவுடன் முன்வைக்கின்றோம்.

இவ்வருட  அனலைதீவு ஐயனார் கோவில் திருவிழாவிற்கு ஊருக்குப் போகும் ஒவ்வொருவரும் தயைகூர்ந்து உங்கள் கரங்களாலேயே ஏதாவது ஒரு மரமாவது உங்கள் திருமண்ணில் நட்டுவிட்டு பராமரிப்பிற்கு ஒழுங்கு செய்துவிட்டு வாருங்கள். பராமரிப்பு ஒழுங்கில்லாமல் மரம் நடுவதில் பயனேதுமில்லை. உங்கள் காணிகளில் தென்னைகள்,பனைகள் முதிர்ந்திருக்கும். புதிய தென்னைகளை, பனைகளை  நட்டுவையுங்கள். உங்கள் கைகளால் நடுவதால் ஒருகாலத்தில் உங்கள் பெயரில் அடுத்த சந்ததி பயனுறும்.  ஊர் வளம் பெறும்.

பனைமரங்கள் ஊரின் நீர் ஊற்றின் செழுமையை பாதுகாப்பதில் பெரும்பங்காற்றும்.

தயவுசெய்து இந்த நற்செயலை தவிர்க்காமலும் மனமுவந்தும் செய்யுங்கள்.

இயற்கையும் இறைவனும் ஒன்றெனில் இறைவனோடு இயற்கையையும் போற்றுவதும், துதிப்பதும், பாதுகாப்பதும் நமது கடமைகளில் ஒன்றாகிவிடுகிறது என்பதை ஏற்கும் அனைவரும் தயவுசெய்து உங்கள் கரங்களால்  உங்கள் மண்ணில் மரங்களை நட்டு பராமரிப்பிற்கு ஒழுங்குசெய்துவிட்டு வாருங்கள். வருங்காலச் சந்ததி உங்களை நெஞ்சார்ந்து போற்றும்.

இப்பதிவினை தங்கள் முகப்புத்தகத்தில் பகிர்ந்துகொள்ளும் அன்புக்குரியவர்கள்  பகிர்வதன் மூலம் ஒரு மரம் நட்டுவைப்பதற்கான பங்கை முழுமை செய்தவர்களாக மனநிறைவுற  நிறைய வாயப்பகள் உண்டு.

 ஒரு பகிர்தல் என்பது ஒரு மரத்தை ஊரில் நடுவதாக மாறவேண்டும்.

தயவு செய்து நமது சிறிய பங்கை நிறைவேற்றுவோம் முன்வாருங்கள்.

ஒரு பகிர்வு  =    ஊரில் ஒரு மரம்.

மனமார்ந்த நன்றிகள்.